Ekki gera þetta á stefnumótasíðum

Lane Moore, blaðamaður Cosmopolitan, býður uppá tíu ráð fyrir þá sem stunda stefnumótasíður til að finna ástina og hvað á alls ekki að gera á þeim síðum.

1. Ekki setja mynd af andliti sem er ekki þitt

„Það er náttúrulegt að vilja sýna sínar bestu hliðar svo maður sé eins aðlaðandi og hægt er en það gerir hvorki þér né þeim sem þú ert að spjalla við greiða að afskræma andlit þitt á þann veg að það lætur þig líta út fyrir að vera varla mennsk/ur.“

2. Ekki ljúga til um aldur

„Hugsaðu þetta svona: Ef þú ert á fertugsaldri en segist vera á þrítugsaldri gætirðu laðað að þér manneskju sem deitar bara fólk sem er miklu yngra en hún sjálf og þá endarðu á því að eyða tíma þínum.

3. Ekki dæma eftir kápunni

„Auðvitað gera þetta allir. En ég hef séð fullt af stefnumótasíðum hjá strákavinum mínum og ég myndi aldrei deita þá.“

4. Ekki segja honum/henni eitthvað mjög persónulegt of fljótt

„Stundum á maður slæma daga þegar maður er að tala við einhvern á netinu. Það er mannlegt. Það er skiljanlegt að maður vilji tala við einhvern en lokaðu þá stefnumótasíðunum og sendu besta vini/vinkonu þinni skilaboð.“

5. Ekki tala um sambandssögu þína

„Allir hafa lent í ástarsorg. En það er minna skrýtið að spyrja fólk hvort það sé með ör á líkamanum en að segja þeim frá tilfinningalegum örum áður en þið hittist.

6. Ekki tala um hve skrýtið það er að stunda stefnumótasíður á netinu

„Nánast allir hafa prófað stefnumótasíður á netinu. Eitthvað sem allir hafa gert getur ekki verið skrýtið. Þegiðu því um þetta.“

7. Ekki segja þér að þetta sé heimskt og að það sé ekki gott fólk þarna úti

„Þú átt aldrei eftir að hitta gott fólk ef þú hugsar svona. Vertu víðsýn/n ef þú ætlar að nota stefnumótasíður á netinu. Þú ert á þeim og þú ert frábær þannig að það gæti verið einhver annar frábær einstaklingur að nota þær líka!“

8. Ekki bera fólk saman við fyrrverandi elskhuga

„Samböndin þín enduðu ekki að ástæðulausu: þau voru ekki að virka.“

9. Ekki hafa áhyggjur af því að þetta gæti mistekist

„Það gæti gerst. Virkilega. En þetta gæti líka orðið frábært.“

10. Ekki nota bara eina stefnumótasíðu

„Ef engin virkar fyrir þig farðu þá út úr húsi!!!“