Fyrsta prentun af Mein Kampf til sölu

Í gær barst Safnaramiðstöðinni forlátur safngripur. Þar var á ferðinni eintak af seinna bindi bókar Adolfs Hitler, Mein Kampf frá árinu 1926.

Bókina skrifaði Hitler þegar hann sat í fangelsi eftir aðkomu sína að hinni svokölluð bjórkjallarauppreisn og í bókinni útlistar hann eigin ævi og helstu hugsjónir sínar um nasismann. Bókin seldist lítið þegar hún var fyrst gefin út en tók síðar að seljast eins og heitar lummur þegar Nasistar komust til valda árið 1933.

Í samtali við fréttamann Vísis segir talsmaður Safnaramiðstöðvarinnar að búist sé við því að bókin seljist á allt að 200.000 krónur en kaupverð sambærilegra eintaka hleypur iðulega á hundruðum þúsunda.Safnari færði miðstöðinni bókina í gær sem verður til sýnis í verslun Safnaramiðstöðvarinnar á Hverfisgötu. Mörgum eintökum bókarinnar hefur verið fargað og því ætti enginn áhugamaður um bókmenntir og aðdraganda Síðari heimstyrjaldarinnar að láta þetta framhjá sér fara.