Viðskipti innlent

Leikskólinn 101 gjaldþrota

Leikskólinn 101 hefur verið úrskurðaður gjaldþrota.
Leikskólinn 101 hefur verið úrskurðaður gjaldþrota.
Félag í kringum rekstur Leikskólans 101 var úrskurðað gjaldþrota í héraðsdómi þann 22. janúar. Leikskólanum var lokað síðasta haust þegar mikil umræða varð um harðræði starfsmanna gegn börnunum sem skólann sóttu.

Búið er að skipa skiptastjóra yfir þrotabúinu sem hefur auglýst eftir kröfum lánadrottna.

Skattrannsóknarstjóri mun sömuleiðis hafa fjármál leikskólans til athugunar. Tæplega 4,4 milljóna króna tap varð af rekstri leikskólans árið 2012. Einnar milljónar krónu tap varð á rekstrinum árið 2011.

Frá þessu er greint í Vðskiptablaðinu.


Tengdar fréttir

Sumarstarfsmenn tilkynntu um ofbeldi á leikskóla

Barnavernd Reykjavíkur rannsakar hvort starfsmenn leikskólans 101 í Reykjavík hafi beitt börn margvíslegu harðræði. Þetta kemur fram á ruv.is. þar segir að málið komst upp þegar tveir sumarstarfsmenn á leikskólanum sýndu barnavernd myndbönd í morgun og tilkynntu málið formlega.

Leikskólamálið ekki á borði lögreglunnar

Lögreglan á höfuðborgarsvæðinu hefur ekki fengið tilkynningu um meint ofbeldi á leikskólanum 101 á Bræðraborgarstíg inn á sitt borð. Málið er í könnun hjá Barnaverndarnefnd en þar fást þau svör að málið verði kannað til hlítar, svo verður málinu hugsanlega vísað áfram til lögreglu. Það er þó ekki víst að málið rati þá leið að lokum.

Verða sjálfir að finna lausnir

Foreldrar ungbarna á 101 leikskóla á Bræðraborgarstíg verða sjálfir að finna lausnir sem henta þeim varðandi dagvistun. Borgin mun þó leita allra leiða til að aðstoða foreldra í leit þeirra að dagvistunarúrræðum.

Foreldrar óska eftir skattarannsókn á leikskólann 101

Foreldrar barna á leikskólanum 101 hafa óskað eftir skattrannsókn á hendur skólanum. Þau telja óeðlilega að innheimtu leikskólagjalda staðið og hafa sent borginni og skattrannsóknar-stjóra erindi sitt.

Máli 101 leikskóla vísað til lögreglu

Barnaverndarnefnd Reykjavíkur hefur óskað eftir lögreglurannsókn á því hvort starfsmenn ungbarnaleikskólans 101 Reykjavík hafi brotið gegn barnaverndarlögum.

Stjórnendur 101 hafna öllum ásökunum

Stjórnendur leikskólans 101 hafna alfarið þeim ásökunum sem á þá er borið í yfirlýsingu sem þeir hafa sent frá sér. Þar segjast þeir fagna því að málið sé rannsakað og að sú rannsókn muni leiða það sanna í ljós. Ill meðferð á börnum, sama hvaða nafni hún nefnist, eigi ekki að líðast.

Leikskólastjórinn hefur ekki séð myndböndin

Hún telur það jafnframt alvarlegt að stúlkurnar hafi ekki látið sig vita af þessu strax, sérstaklega í ljósi þess að þetta eigi að hafa átt sér stað um nokkurt skeið.

Myndböndin loks á borði barnaverndar

Myndböndin sem sýna meint ofbeldi gegn börnum á ungbarnaleiksskólanum 101 komust ekki í hendur barnaverndar fyrr en í gærkvöld. Rannsókn málsins er því enn í fullum gangi hjá barnaverndaryfirvöldum.

Grátandi barn rifið upp á handleggnum og rassskellt

Barnaverndarnefnd Reykjavíkur hefur kært ofbeldi gegn ungabarni á Leikskólanum 101 til lögreglu. Konan sem er sökuð um ofbeldið er rúmlega fimmtug. Foreldrum, sem sáu harkalega meðferð á barni sínun á myndbandi, er afar brugðið.

Leikskóli 101 opnar ekki í dag

Leikskóli 101 var ekki opnaður á ný í morgun eins og stefnt hafði verið að. Leikskólastjóri segist hafa tekið ákvörðun í gær um að opna ekki skólann á ný á meðan rannsókn stendur yfir. Málið er á dagskrá borgarráðs í dag.



Mest lesið


Fleiri fréttir

Sjá meira


×

Mest lesið