Robert Downey Jr. segir soninn hafa erft fíknina

Indio, sonur leikarans Roberts Downey Jr., var handtekinn um helgina fyrir að vera með kókaín í fórum sínum. Var hann settur í fangelsi en síðar sleppt.

Faðir hans hefur glímt við fíkniefnafíkn í gegnum tíðina og segir í yfirlýsingu sem send er á tímaritið Us Weekly að sonur hans hafi erft fíknina.

„Hann nýtur stuðnings fjölskyldunnar og honum er sýndur mikill skilningur og við erum öll staðráðin í að styðja við bakið á honum og hjálpa honum að verða maðurinn sem hann getur verið,“ segir Robert í yfirlýsingunni og þakkar lögreglunni fyrir vel unnin störf.