Innlent

„Mér hefur verið boðinn peningur fyrir að horfa á menn runka sér“

Kjartan Atli Kjartansson skrifar
Greinin hefur vakið mikla athygli.
Greinin hefur vakið mikla athygli.
„Mér hefur verið boðinn peningur fyrir að horfa á menn runka sér," segir Vera Wonder Sölvadóttir kvikmyndagerðarkona í grein sem birtist í Fréttablaðinu í morgun.

Í greininni fjallar Vera um reynslu sína af kynferðislegu áreiti:

„Náungi kom að mér í verslunarmiðstöð og greip um klofið á mér þegar ég var í pilsi. Ég hef líklega verið tólf, þrettán ára. Ég var með mömmu en sagði henni aldrei frá því af skömm,“ segir Vera. Hún hafi einfaldlega hætt að ganga í pilsi.

„Menn hafa berað sig óumbeðnir fyrir framan mig. Ég hef ítrekað lent í rassa-, brjósta-, píkuklípum á skemmtistöðum. Ég hef verið elt heim oftar en ég kæri mig um að muna.“

Vera segir óteljandi athugasemdir hafa verið gerðar varðandi líkama sinn af ókunnugum gaurum úti á götu.

„Ég get endalaust rifjað upp atvik eins og þessi sem ég hef ekki litið á sem áreiti eða ofbeldi. Þetta er normið fyrir mér. Enda hafa allar mínar vinkonur lent í svipuðum uppákomum. Eiginlega allar konur sem ég þekki, systur mínar, móðir, kunningjakonur, frænkur. Ég fann enga undantekningu. Við erum bara vanar þessu og dónakallarnir halda áfram.“


Tengdar fréttir

Ég er bara normið

Hildur Lilliendahl skrifaði grein sem birtist nýlega á Knúzinu og ber heitið Kvalarar. Greinin hennar fjallar um menn úr öllum stéttum samfélagsins sem beita kynferðislegu ofbeldi og hvernig tekið er á málum þeirra. Sumir og að mér skilst langflestir þeirra komast upp með dólgsháttinn og halda ótrauðir áfram en fórnarlömbin virðast seint eða aldrei bíða þess bætur.

Mest lesið


Fleiri fréttir

Sjá meira


×

Mest lesið