Sigurjón og Elín segjast saklaus

Þingfesting í máli sérstaks saksóknara gegn Sigurjóni Árnasyni og Elínu Sigfúsdóttur fór fram í héraðsdómi Reykjavíkur í morgun.

Sigurjón er fyrrverandi bankastjóri Landsbanka Íslands og Elín er fyrrverandi framkvæmdastjóri fyrirtækjasviðs bankans.

Sigurjón og Elín eru ákærð fyrir að hafa misnotað aðstöðu sína og stefnt fé Landsbankans í mikla hættu með því að fara veita ábyrgðir fyrir lánum án heimilda. Þau lýsa bæði yfir sakleysi sínu í málinu.

Verjendur þeirra hafa óskað eftir að fá að ræða við vitni í málinu.

Milliþinghald mun fara fram þann 18. mars næstkomandi, en ólíklegt þykir að aðalmeðferð fari fram fyrir dómhléið næsta sumar.