Þjóðarleiðtogar stærstu ríkja heims knúsuðu kóalabirni

Leiðtogar stærstu ríkja heims komu saman í dag til fundar um helstu málefni líðandi stundar. Þeir gerðu þó stutt hlé á þeim umræðum til að knúsa nokkra kóalabirni.

Meðfylgjandi myndir voru teknar af þjóðarleiðtogunum, til dæmis Barack Obama, forseta Bandaríkjanna, og Vladimir Putin, forseta Rússlands, þegar þeir fengu kóalabjörn í fangið. Það var forsætisráðherra Ástralíu, Tony Abbott, sem handlangaði dýrin til þeirra.

Sjá einnig: Pútín fékk kaldar viðtökur á leiðtogafundi

Meðal annara sem náðust á mynd við að knúsa kóalabirni eru Angela Merkel, kanslari þýskalands, Dilma Rousseff, forseti Brasilíu, og Park Geun-hye, forseti Suður-Kóreu.

Fundurinn, hinn árlega G20 fundur, fer að þessu sinni fram í Ástralíu. Þar eru kóalabirnir ekki óalgeng sjón og má segja að dýrið sé eitt af helstu einkennum landsins. Kóalabirnir finnast á austurströnd Ástralíu og á suðurhluta landsins.