Opnunargestum komið rækilega á óvart

Lindex opnaði nýja verslun í Kringlunni um helgina og af því tilefni var blásið til opnunarteitis frá hádegi á laugardag.

Íslenski dansflokkurinn og fimleikafólk kom viðskiptavinum á óvart á göngum Kringlunnar með svokallað "flash mob" sem endaði fyrir framan verslun Lindex. Atriðið vakti gríðarlega lukku en fullt var út úr dyrum í versluninni nánast allan daginn.

Meðal gesta var tískubloggarinn Elísabet Gunnarsdóttir en hún var fengin til að vera með sérstaka slá í versluninni með flíkum sem hún mælir með. Hún gefur síðan fimmtíu þúsund króna inneign í versluninni í kvöld ásamt meðbloggurum sínum á vefsíðunni Trendnet.