Segja unnið gegn Afstöðu

Afstaða, félag fanga, telur Fangelsismálastofnun beita sér gegn félaginu og réttindabaráttu fanga með markvissum hætti.

Félagið sendi í gær frá sér tilkynningu til að mótmæla því að flytja ætti í dag Sigurð Inga Þórðarson, sem er í stjórn Afstöðu, frá Litla-Hrauni til afplánunar í Hegningarhúsinu við Skólavörðustíg.

Bent er á að einungis sé vika síðan formaður Afstöðu var fluttur af Litla-Hrauni norður í fangelsið á Akureyri. Er það sagt hafa verið gert vegna „óþæginda“ sem hann hafi valdið „með öflugum störfum sínum hjá Afstöðu“.