Malaga komst á toppinn með sigri

Jón Arnór Stefánsson og félagar hans í Unicaja Malaga unnu góðan sex stiga sigur, 82-76, á Baloncesto Sevilla í spænsku úrvalsdeildinni í körfubolta. Jón Arnór skoraði tvö stig í dag, en hann spilaði aðeins í tæpar sjö mínútur.

Malaga var einu stigi undir, 54-55, fyrir fjórða og síðasta leikhlutann. Jón og félagar settu þá í annan gír og unnu lokaleikhlutann með sjö stigum, 28-21, og leikinn 82-76.

Malaga komst með sigrinum á topp deildarinnar, en Real Madrid getur endurheimt toppsætið með sigri á Bilbao Basket í kvöld.