Íslandsferð brimbrettagaura hlýtur verðlaun Surfer Magazine

Kvikmyndin Strange Rumblings sem segir meðal annars frá ferð þriggja brimbrettamanna til Íslands hlaut í vikunni sérstök verðlaun tímaritsins Surfer Mag í flokknum „Kvikmynd ársins“.

Joe G. leikstýrir myndinni en í henni er fylgst með þeim Nate Tyler, Dion Agius og Brendon Gibbens þar sem þeir kynnast landi og þjóð ásamt því að bruna á brimbrettum sínum við strendur Íslands. Í myndinni fara félagarnir jafnframt til Mósambik, Brasilíu og Indónesíu.

Í kynningarmyndbandi má sjá brot úr Íslandshluta myndarinnar þar sem sjá má brimbrettabrun mannanna. Sjá má myndbandið hér að neðan.