Inga Lind stolt af dótturinni

Mikið var um dýrðir í bókabúð Máls og menningar þegar útgáfu viðhafnarútgáfu af ljóðabókinni Árleysi árs og alda eftir Bjarka Karlsson var fagnað.

Viðhafnarútgáfan inniheldur bæði kveðskap úr hinni vinsælu bók, Árleysi alda sem kom út í fyrra og annað eins af nýju efni. Bókin er innbundin og kemur í öskju ásamt hljóðbók og 21 lags hljómdisk með ljóðum úr bókinni. Skálmöld, Megas, Erpur og helstu óperusöngvarar landsins fara þar á kostum til dæmis.

Bókin er einnig myndskreytt en myndskreytingarnar eru eftir systurdóttur Bjarka, Matthildi Margréti Árnadóttur sem er fjórtán ára. Matthildur er dóttir sjónvarpskonunnar Ingu Lindar Karlsdóttur, systur Bjarka, og mætti Inga Lind að sjálfsögðu í útgáfuteitið til að styðja við sína kærustu.