Myndbönd af óeirðunum í Ferguson: Vitnisburður lögreglumannsins gerður opinber

Mótmælendur í Ferguson í Bandaríkjunum kveiktu í húsum og bílum í nótt og í morgun eftir að ákvörðun var tekin um að kæra ekki lögreglumanninn Darren Wilson. Hann skaut hinn 18 ára gamla Michael Brown, sem var óvopnaður, til bana í ágúst.

61 var handtekinn í óeirðunum í nótt og þar af flestir fyrir þjófnað, samkvæmt AP fréttaveitunni.

Ákvörðunin þýðir að Wilson, sem er hvítur, verður ekki refsað fyrir dauða hins þeldökka Michael Brown.

Tólf einstaklingar fóru málið og fengu þau vitnisburð frá þeim aðilum sem að málinu koma og fóru yfir öll sönnunargögn. Það tók þau 25 daga að fara yfir öll gögnin og að taka ákvörðun.

Saksóknarinn Bob McChullock tilkynnti ákvörðunin og sagði þessa tólf einstaklinga vera þau einu sem hafa séð allar hliðar málsins. Hann nefndi einnig að frásögnum vitna hefði ekki borið saman.

Á meðan á tilkynningu hans stóð, sat móðir Michael Brown á þaki bíls og hlustaði á tilkynninguna með öðrum mótmælendum. AP fréttaveitan segir hana hafa brostið í grát og byrjað að öskra áður en stuðningsmenn hennar tóku hana afsíðis.

Fjölskylda hans sendi frá sér yfirlýsingu og sagðist hafa orðið fyrir vonbrigðum með ákvörðunina, en þó biðlaði fjölskyldan til fólks að beina reiði sinni á jákvæðan veg. „Við þurfum að vinna saman að því að laga kerfið sem leyfði þessu að gerast.“

Birtu myndir af meiðslum

Skömmu eftir tilkynninguna birti lögreglan vitnisburð Darren Wilson sem hluta af rúmlega þúsund blaðsíðna málsgögnum. Einnig voru birtar myndir af meiðslum sem hann á að hafa orðið fyrir í átökum sínum við Michael Brown.

Í vitnisburði hans segist hann upprunalega hafa stöðvað þar sem Brown og vinur hans gengu á götunni. Hann mun hafa sagt þeim að fara upp á gangstétt, en hafa séð Brown halda á vindlakassa. Skömmu áður hafði hann heyrt tilkynningu um rán á slíkum kassa.

Wilson segist hafa kallað eftir öðrum bíl og reynt að stíga út úr sínum bíl. Þá hafi Brown skellt hurðinni á hann. Þá hafi hann ýtt á Brown með hurðinni sem hafi slegið sig. Þá segist Wilson hafa dregið skammbyssu úr slíðrin sínu, þegar hann sat enn í bílnum, og sagt honum að bakka frá sér eða hann myndi skjóta hann.

Féll 50 metra frá bílnum

Þá segir Wilson að Brown hafi gripið í byssuna og sagt að hann þorði ekki að skjóta sig. Skot hlupu af í bílnum og þá hlupu Brown og vinur hans á brott, en lögreglumaðurinn elti þá. Á einhverjum tímapunkti sneri Brown sér gegn Wilson.

Vitni segja mismunandi sögur af því sem gerðist næst varðandi það hvort hann hafi hlaupið gegn honum eða verið með hendur á lofti. Brown féll tæpa fimmtíu metra frá lögreglubílnum.

Vitnisburð Darren Wilson má lesa hér neðst í fréttinni.

Ríkisstjóri Missouri bað fólk um að sýna stillingu áður en ákvörðunin hvort kæra ætti lögreglumanninn eða ekki var gerð opinber. Hér má sjá mótmælendur áður en ákvörðunin var gerð opinber. Ákvörðunin um að ekki ætti að kæra Wilson, gerð opinber. Hér má sjá viðbrögð mómælenda við ákvörðuninni. Barack Obama, forseti Bandaríkjanna, bað íbúa Bandaríkjanna um að sýna stillingu í kjölfar ákvörðunarinnar. Lögregla beitir táragasi og piparúða gegn mótmælendum. Fjöldi fólks lét greipar sópa um verslanir í Ferguson á meðan mótmælin stóðu yfir. Mótmælendur hafa kveikt í fjölda húsa sem og bílum.

Post by St. Louis County Police.

Post by Fox2Now.

Darren Wilson Testimony Snippet