Füchse Berlín í viðræðum við Erling

Svo gæti farið að arftaki Dags Sigurðssonar hjá Füchse Berlín verði íslenskur þegar hann lætur af störfum eftir tímabilið.

Erlingur Richardsson, sem náð hefur góðum árangri með West Wien í Austurríki, er undir smásjá þýska liðsins, samkvæmt heimildum fréttastofu.

Erlingur mun síðustu daga hafa rætt við forráðamenn þýska liðsins, sem samkvæmt heimildum fréttastofu hafa einnig verið í viðræðum við ClausJörgensen, þjálfara Team Tvis Holstebro í Danmörku.

Þá hefur Ole Lindgren, annar tveggja þjálfara sænska landsliðsins, verið nefndur til sögunnar.

Erlingur, sem náð hefur góðum árangri með West Wien í Austurríki, er sagður efstur á blaði hjá þýska liðinu, en hann hefur einnig starfað í þjálfarateymi íslenska landsliðsins.

Dagur Sigurðsson, sem þjálfað hefur Berlínarliðið með frábærum árangri, lætur af störfum næsta sumar. Hann var sem kunnugt er ráðinn þjálfari þýska landsliðsins.