Enginn kvíði í þessu teiti

Útgáfu bókarinnar Náðu tökum á kvíða, fælni og áhyggjum var fagnað í Eymundsson, Skólavörðustíg í gær en um er að ræða sjálfshjálparbók þar sem veitt eru fljótvirk ráð á sviði hugrænnar atferlismeðferðar.

Sóley Dröfn Davíðsdóttir, höfundar bókarinnar, er sálfræðingur, forstjóri Kvíðameðferðarstöðvarinnar og formaður Félags um hugræna atferlismeðferð. Hún hefur lokið sérnámi í hugrænni atferlismeðfer og sérfræðingsviðurkenningu í klínískri sálfræði.

Góð stemning var í útgáfuteitinu og örlaði ekki á kvíða í því samkvæmi.