Dróni tók á loft af öðrum dróna

Einstaklingar úr hópi sem kalla sig Flite Test hafa sett saman nokkurskonar fljúgandi flugmóðurskip sem annar dróni getur tekið á loft af. Meðlimir Flite Test eru miklir áhugamenn um fjarstýrð flygildi og þessi tilraun þeirra snerist um að sanna að mögulegt væri að láta dróna taka á loft á öðrum dróna.

Á vefnum Popular Science segir að líkurnar á því að stærri fljúgandi flugmóurskip líti dagsins ljós séu ekki miklar. Til þess að lyfta flugmóðurskipi eins og sést í kvikmyndunum um the Avengers þurfi sirka 70-faldan kraft sem myndast við geimskot.

Rússneskur maður hefur búið til dróna í líki skipsins úr Avengers sem virkar að fullu og getur lent á tjörnum og tekið á loft. Sá sýndi þó ekki fram á að mögulegt væri að fljúga öðrum dróna frá sínu fljúgandi flugmóðurskipi.

Post by Flite Test.