Jack Sparrow bauð sig fram í Bandaríkjunum í gær

Jack Sparrow bauð sig fram til sveitarstjórnar í Hennepinsýslu kosningum sem fram fóru í Bandaríkjunum í gær. Það var þó ekki kvikmyndapersónan sem túlkuð var af leikaranum Johnny Depp í kvikmyndunum um sjóræningja á Karíbahafi heldur bandarískur karlmaður í Minnesotaríki sem heitir Captain Jack Sparrow.

Þetta er ekki fyrsta tilraun Sparrow til að hefja feril í stjórnmálum en á síðasta ári bauð hann sig fram til borgarstjóra í Minneapolis fyrir stjórnmálaafl sem byggir á hugmyndafræði Occupy-hreyfingarinnar. Hann er aðgerðarsinni vegna húsnæðisvanda í Minnesota en hann hefur unnið náið með Occupy-hreyfingunni þar í baráttu sinni gegn nauðungarsölum banka á heimilum fólks.

Sparrow heldur úti bloggsíðunni Occupirate þar sem hann fjallar um samfélagsmál út frá sjónarhorni aðgerðar-pírata, eins og hann kallar það sjálfur. Þar birtast myndir af honum klæddum upp eins og sjóræningi. Áhugasamir geta kynnt sér stefnumál og baráttu Sparrow á síðunni.

Úrslit kosninganna í Hennepin liggja ekki fyrir.

Ballot of the day. #Election2014 pic.twitter.com/p1cYLpwtGE

— Adam Weinstein (@AdamWeinstein) November 4, 2014