Federer vann í Kína

Roger Federer vann Gilles Simon á Shanghæ meistaramótinu sem fram fór í Kína í gærkvöldi. Þetta er í fyrsta sinn sem Federer vinnur þetta mót.

Federer, sem er í þriðja sæti heimslistans, vann 7-6 (8-6) og 7-6 (7-2), en Gilles Simon er Frakki er í 29. sæti heimslistans.

„Það er unun að vinna stærsta mótið í Asíu," sagði Federer, en hann tapaði í úrslitaleik á sama móti árið 2010 gegn Bretanum Andy Murray.

„Ég var heppinn í fyrstu umferð keppninnar, en ég náði að bjarga mér. Þetta hefur verið draumavika," bætti Federer við glaður í bragði.