Heimir: Fannst þetta ekki víti

Heimir Guðjónsson gat ekki leynt vonbrigðum sínum eftir leik FH og Stjörnunnar í dag. Stjarnan varð Íslandsmeistari eftir 2-1 sigur.

„Við vorum sterkari. Við fengum ótal tækifæri til að koma okkur í betri stöðu. Þegar staðan er 1-1 þá getum við átt von á hverju sem er - þeir fengu víti og kláruðu þetta.“

Stjarnan skoraði mark sem átti ekki að standa vegna rangstöðu fyrr í leiknum. „Mér er sagt að þetta hafi verið rangstaða. Ég get heldur ekki séð að þetta hafi verið víti heldur [í uppbótartímanum].“

„Það hljóta að verða mikil vonbrigði fyrir okkur FH-inga að sjá þetta í sjónvarpinu.“