Dansaði eins og Carlton í Dancing with the Stars

Aðdáendur sjónvarpsþáttanna Fresh Prince of Bel-Air muna eflaust allir eftir dansinum sem Carlton Banks átti til að taka á góðum stundum. Það hefur því verið nokkur eftirvænting á meðal aðdáenda eftir að leikarinn Alfonso Ribeiro, sem fór með hlutverk Carltons, hóf keppni í Dancing with the Stars.

Í þættinum eru heimsfrægir einstaklingar paraðir saman við atvinnudansara og látnir keppa í vikulegum sjónvarpsþáttum. Það var svo í gær sem Ribeiro og dansfélagi hans Witney Carson stigu á sviðið og tóku hinn þekkta „Carlton“ dans.

Það lá ljóst fyrir um leið og músíkin byrjaði í upphafi atriðisins hvað væri í vændum en Carlton dansaði gjarnan við lagið It's Not Unusual í flutningi Tom Jones, sem var einmitt lagið sem þau dönsuðu við. Þau geymdu þó það besta þangað til síðast og tóku dansinn rétt í lokinn á atriðinu.

Þau uppskáru mikil fagnaðarlæti áhorfenda og fullt stig húsa hjá dómurunum.