Afhenti lögreglu vegabréf þýska ferðamannsins

Ekkert hefur enn spurst til þýska ferðamannsins, sem síðast sást í Breiðuvík á Vestfjörðum fyrir rúmri viku. Ekki var hægt að leita á svæðinu  í gær vegna óveðurs og veður er enn vont fyrir vestan þannig að enn er allt óvíst með leit í dag.

Erlendur ferðamaður afhenti lögreglu vegabréf þjóðverjans við brottför með Norrænu í vikunni og sagðist hafa fundið það á Vestfjörðum, líklega í grennd við Látrabjarg, en þar fannst mannlaus bíll Þjóðverjans í vikunni.