Foreldrar Steencamp gagnrýna dóm Pistorius

Foreldrar Reevu Steenkamp, sem spretthlauparinn Oscar Pistorius skaut til bana á síðasta ári, gagnrýna harkalega að Pistorius hafi verið fundinn sekur um manndráp en ekki morð.

Dómari málsins sagði við dómsuppkvaðninguna í gær að Pistorius hefði sýnt vítavert gáleysi er hann skaut á baðherbergishurð íbúðar sinnar og varð unnustu sinni að bana, en að ekki væri sannað að hann hefði ætlað sér að myrða hana.

Pistorius er laus gegn tryggingu þar til refsing verður kveðin upp í næsta mánuði og foreldrar Steenkamp segja að réttlætinu hafi ekki verið fullnægt.