Frakkar hafa hafið loftárásir í Írak sem beinast að ISIS-hryðjuverkahópnum. Þetta kemur fram á vef BBC.
Fram kemur í tilkynningu frá Francois Hollande Frakklandsforseta að Rafale orrustuvélar hafi gert árás á og eyðilagt birgðageymslu þar sem meðal annars voru geymd ýmis ökutæki í eigu ISIS. Einnig kemur fram í tilkynningunni að loftárásir munu halda áfram næstu daga.
Bandaríkjaher hefur gert meira en 170 loftárásir á skotmörk ISIS í Írak síðan um miðjan ágúst.
