„Alltaf þreytt, úrill og skapmikil" - 27 kg farin

Eva Karen Axelsdóttir, 28 ára, fjögurra barna móðir í fæðingarorlofi var úrill og alltaf þreytt áður en hún ákvað að taka sjálfa sig í gegn.

„Frá því að ég átti strákinn minn þann 30. desember síðastliðinn hef ég losað mig við 27 kíló," segir Eva spurð um árangurinn og líðan hennar samhliða kílóamissinum.

Fannst börnin vera fyrir

„Áður en ég breytti lífsstílnum var ég alltaf þreytt, úrill og skapmikil og hafði ekki mikla þolinmæði þegar kom að börnunum mínum. Mér fannst börnin mín vera fyrir mér, mikil truflun og ég var mjög oft pirruð út í þau fyrir það eitt að vera þau sjálf eða hávaðasöm eins og börn eiga að sér að vera. Ég skammaðist mín fyrir það að líða svoleiðis að sjálfsögðu," útskýrir hún einlæg.

Vildi ekki vera svona mamma

„Ég vildi ekki vera svona mamma sem hefur enga orku og „nennir ekki" börnunum sínum. Eftir að ég breytti lífsstílnum er líkamlega og andlega líðanin gjörbreytt," segir Eva og heldur áfram:

„Í upphafi hugsaði ég mikið um hvað ég borðaði en hreyfði mig lítið. Ég var alltof þung á mér. Þá leitaði ég til góðvinkonu minnar Helgu Maríu og hjá henni fékk ég opinberun á því hvað ég var að gera vitlaust og ég tók að bæta Herbalife vörum inn í mína daglegu rútínu og lærði allt um fituprósentu, vöðvamassa og prótíninntöku."

„Frá því að ég hóf það sem ég vil kalla Herbalife lífstílinn þann 13. mars síðastliðinn eru farin 17 kíló og 12% fita og ég er nú orðin léttari en ég hef verið í 10 ár eða eftir að ég hóf að eignast börn. Galdurinn er að borða hollt, hreyfa sig daglega og huga að próteininntöku og vatnsdrykkju."

Hætt að leggja sig á daginn 

„Ég vakna brosandi, hef alla þolinmæði í heiminum til að takast á við börnin mín, þarf ekki að leggja mig á daginn heldur skelli mér frekar út að leika með krakkana eða í göngutúra með vagninn. Hegðun barnanna minna hefur einnig breyst mikið samhliða þessum nýja lífstíl," segir hún glöð.



Facebooksíða Evu.