Lífið

Tracy Morgan enn þungt haldinn

Bandaríski gamanleikarinn Tracy Morgan liggur enn á spítala eftir að hann lenti í alvarlegum sex bíla árekstri í New Jersey-fylki á laugardaginn var. Ástand hans er alvarlegt, en stöðugt og hann er farinn að sýna merki þess að hann sé á batavegi. 



Leikarinn er þekktur fyrir hlutverk sín í þáttunum 30 Rock og Saturday Night Live.

Morgan var farþegi í limósínu þegar slysið átti sér stað en bílnum hvolfdi. Auk límósínunar voru tveir stórir flutningabílar í árekstrinum, jeppi og tveir fólksbílar.



Einn farþeganna lést og þrír eru alvarlega slasaðir. 

Talsmaður leikarans, Lewis Kay, segir unnustu Morgans þakka fyrir allar góðu kveðjurnar frá aðdáendum, vinum og fjölskyldu.

Tracy Morgan var á ferðalagi ásamt vini sínum, grínistanum James McNair, aðstoðarmanni sínum Jeffrey Millea og grínistanum Ardie Fuqua jr.

McNair lést af áverkum sínum.

Saksóknari segir Kevin Roper, bílstjóra hjá Wal-Mart hafa klesst á limósínu Morgans. Roper lýsir yfir sakleysi sínu, en ákæruvaldið segir Roper ekki hafa sofið í sólarhring áður en áreksturinn átti sér stað.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.