Mike Myers málar myndir af andliti KFC

Mike Myers elskar að mála myndir af andliti KFC, Colonel Sanders. Myers kveðst vera mikill aðdáandi KFC-kóngsins og fannst skyndibitinn ógurlega spennandi sem barn.

„Ég reyni að mála eins og eina mynd á viku. Ég byrjaði að mála fyrir tæpum þremur árum en fyrsta verkið var af eiginkonu minni Kelly. Það næsta þar á eftir var af hundinum mínum, George Harrison, en svo ákvað ég að færa mig yfir í Colonel Sanders. Ég ólst upp í Kanada og maður fylgdist bara með Bandaríkjamönnunum búa til allar þessar ímyndir. Þeim datt í hug að búa til ofursta fyrir kjúkling! Fjölskyldan mín varð algjörlega heltekin af Colonel Sanders,“ segir leikarinn í viðtali við tímaritið GQ.