Fjölskylda Whitney Houston brjáluð yfir sjónvarpsmynd

Fjölskylda Whitney Houston heitinnar er ekki hrifin af þeirri hugmynd að sjónvarpsstöðin Lifetime ætli sér framleiða kvikmynd byggða á lífi söngkonunnar.

Vefsíðan TMZ greinir frá því að fjölskyldan hafi sjálf í hyggju að framleiða kvikmynd um Houston í anda „This is it“ sem fjallaði um undirbúning tónleika poppgoðsins Michael Jackson sem aldrei urðu að veruleika.

Lifetime hafði fengið stórvinkonu söngdívunnar, Angelu Bassett, til að leikstýra sjónvarspsmyndinni.

„Whitney á skilið miklu meira en einhverja sjónvarpsmynd. Ef hún væri á meðal vor í dag væri þetta ekki að gerast,“ sagði Pat Houston við TMZ.