Húrrandi hamingja í Hafnarhúsinu

Meðfylgjandi myndir voru teknar á opnun sýningarinnar ,,Þín samsetta sjón,, í Hafnarhúsinu á laugardaginn var þar sem gefur að líta úrvalsverk úr safneign Listasafns Reykjavíkur frá árunum 1970-2010 eftir um fimmtíu listamenn.

Verkin á sýningunni eru fjölbreytt, miðlarnir margir og viðfangsefnin ólík. Hér má sjá staðbundnar innsetningar, minimalíska skúlptúra, hugmyndalist í ýmsum miðlum, gjörningatengda vídeólist og verk byggð á rannsóknum. 

Viðfangsefnin eru allt frá sjálfhverfri íhugun um eðli listarinnar til þjóðfélagsádeilu og afbyggingu viðtekinna hugmynda um „Norðrið“ og íslenskan menningararf. 

Margir af þekktustu starfandi listamönnum landsins eiga verk á sýningunni, meðal annars Ólafur Elíasson en titill sýningarinnar er sóttur í verk eftir hann, Ragnar Kjartansson, Gjörningaklúbburinn, Gabríela Friðriksdóttir og Hreinn Friðfinnsson.

Sjá meira um sýninguna hér.