Birti mynd af berum rassi Kate Middleton

Þýska blaðið Bild birtir myndir af berum rassi hertogayngjunnar Kate Middleton í grein sem fjallar um afturenda hennar og Khloe og Kim Kardashian. Gengur greinin undir nafninu „Khloe, Kim og Kate - rassar sem hafa hreyft við okkur síðustu vikur.“

Myndin hefur vakið hörð viðbrögð og finnst mörgum Bild hafa gengið of langt. Myndin var tekin í síðasta mánuði þegar Kate heimsótti Nýja-Sjáland og Ástralíu ásamt eiginmanni sínum, Vilhjálmi Bretaprins.

Blaðamaður Bild skrifar meðal annars við myndina að afturendi Kate sé fallegur.

Blaðafulltrúi Kensington-hallar hefur ekki enn tjáð sig um málið en skemmst er frá því að minnast þegar franska tímaritið Closer birti myndir af Kate berbrjósta árið 2012. Ljósmyndari og ritstjóri tímaritsins voru kærðir og komist að þeirri niðurstöðu að ekki mætti selja myndirnar né birta.