Gwyneth Paltrow og Chris Martin enn miklir vinir

Gwyneth Paltrow og Chris Martin tilkynntu heimsbyggðinni í mars að þau væru að skilja eftir 10 ára hjónaband. Parið ákvað þó að eyða mæðradeginum saman um helgina með börnum sínum tveimur Apple og Moses.

„Gwyneth og Chris áttu mjög skemmtilegan dag saman á ströndinni með krökkunum. Þau litu út fyrir að hafa það notalegt hvort með öðru,“ sagði heimildarmaður við RadarOnline.

Þau Paltrow og Martin ætla, þrátt fyrir skilnaðinn, að búa áfram saman í villu sinni í Malibu í einhvern tíma til viðbótar.