Væll eða réttmæt gagnrýni á dómara?

Forráðamenn handboltaliðsins RK Vardar frá Makedóníu eru allt annað en sáttir með dómgæsluna í mikilvægum leik í átta liða úrslitum Meistaradeildarinnar um síðustu helgi.

RK Vardar datt út úr keppni fyrir þýska liðinu SG Flensburg þrátt fyrir 27-25 sigur í seinni leiknum.  SG Flensburg vann fyrri leikinn 24-22 á heimavelli og fór því áfram á fleiri mörkum skoruðum á útivelli.

Forráðamenn RK Vardar skelltu saman nokkrum umdeildum dómum í myndband þar sem þeir báru saman dóma sem voru dæmdir á þá en ekki á þýska liðið fyrir að þeirri mati sömu atvik. Hvort hægt sé að kalla þetta sömu atvik er síðan önnur saga.

Sergey Samsonenko, forseti RK Vardar, var í það mjög ósáttur en það má sjá frétt um málið með því að smella hér.

Nú er að sjá hvort menn séu sammála Makedóníumönnunum eða hvort að þeir séu bara svona tapsárir. Það er hægt að skoða myndbandið með því að smella hér fyrir neðan.