Aron kominn með Kolding í undanúrslit

Kolding skellti Bjerringbro/Silkeborg 32-22 í A-riðli átta liða úrslitanna í dönsku úrvalsdeildinni í handbolta í dag. Kolding er þar með öruggt með sæti í undanrúslitum þegar ein umferð er eftir af átta liða úrslitunum.

Kolding var búið að tapa tveimur leikjum í röð en tveir síðustu leikir liðsins eru á heimavelli og dugði liðinu sigur í öðrum þeirra. Hann kom í dag og því skipta úrslitin í síðasta leik Kolding litlu máli fyrir liðið.

Sigur Kolding í dag var mjög öruggur eins og tölurnar gefa til kynna. Kolding var 17-10 yfir í hálfleik og náðu gestirnir aldrei að minnka muninn í seinni hálfleik.

Kári Kristján Kristjánsson leikur með Bjerringbro/Silkeborg og skoraði tvö mörk. Aron Kristjánsson þjálfar Kolding.