Ráðuneytisstjóri í launað námsleyfi

Stefáni Thors, ráðuneytisstjóri í umhverfis- og auðlindarráðuneyti, hefur verið veitt námsleyfi frá störfum sínum í ráðuneytinu til eins árs.

Stefán Thors var ráðinn fyrir einu ári til ráðuneytisins til fimm ára og mun hann vera á launum í leyfinu. Að sögn Stefáns átti námsleyfið sér ekki langan aðdraganda. „Ég er að velta fyrir mér að fara til Danmerkur og kynna mér ýmis mál,“ segir Stefán þegar hann er spurður um hvað hann ætli að taka sér fyrir hendur í leyfinu.

Hann segir ennfremur að það komi í ljós hvort hann taki á ný til starfa í ráðuneytinu þegar námsleyfi lýkur.

Sigríður Auður Arnardóttir, skrifstofustjóri á skrifstofu umhverfis og skipulags í ráðuneytinu, hefur verið sett í embætti ráðuneytisstjóra á meðan leyfi Stefáns stendur. Hún er með embættispróf í lögfræði frá Háskóla Íslands og hefur starfað í ráðuneytinu frá árinu 1998.