Færð á vegum þokkaleg víða um land

Færð á vegum landsins er sæmileg miðað við árstíma. Verst er færðin fyrir norðan og austan, eins og kemur fram í tilkynningu frá Vegaferðinni:

Vegir eru mikið til auðir á Suður- og Suðvesturlandi þótt hálkublettir séu á fáeinum vegum s.s. Hellisheiði, Þrengslum, Mosfellsheiði og Bláfjallavegi.

Hálkublettir eru sumstaðar í uppsveitum í Borgarfirði en vegir við Faxaflóa eru þó að mestu auðir. Öllu meiri hálka er á Snæfellsnesi og í Dölum. Hálka er á Holtavörðuheiði.

Á Vestfjörðum er hálka eða snjóþekja á flestum vegum. Ófært er á Þröskuldum. Þæfingur  er á Steingrímsfjarðarheiði, á Gemlufallsheiði og Klettshálsi.

Hálka er á útvegum í Húnavatnssýslum en aðeins hálkublettir á kafla á Hringveginum. Hálkublettir eru á Vatnsskarði en þæfingur  á Þverárfjalli og hálka og éljagangur er á Öxnadalsheiði. Hálkublettir eða snjóþekja er svo í Skagafirði, hálka, snjóþekja og éljagangur er í Eyjafirði og Þingeyjarsýslum.

Ófært er á Hólasandi.

Snjóþekja, hálka, hálkublettir og éljagangur eru á velflestum vegum á Austurlandi. Greiðfært er frá Reyðafirði  með suðausturströndinni.