Sparnaður getur skipt tugum þúsunda

Innflutningur á erlendri vöru eykst stöðugt og þá einna helst varahlutir í bíla. Kostnaður á upprunalegum vara- og aukahlutum er oft á tíðum ansi mikill og hefur því færst í aukana að fólk panti sér varahluti erlendis frá. Sparnaðurinn við að panta þessar vörur að utan getur skipt tugum þúsunda.

Hér eru nokkur dæmi tekin:



Upprunalegar „original“  vörur með gæðavottun frá VW:

Bremsuklossar, framan og aftan: 43.996 kr.

Rúðuþurrkur: 10.079 kr.

Aðalljós, hægri og vinstri: 106.682 kr.

Samtals: 160.757 kr.

Hægt er að kaupa sambærilega hluti á erlendum vefsíðum.

Sambærilegar vörur án innflutningsgjalda:

Bremsuklossar, framan og aftan: 17.154 kr.

Rúðuþurrkur: 1.606 kr.

Aðalljós, hægri og vinstri: 7.828 kr.

Samtals: 26.588 kr.



Sparnaðurinn er því nokkuð mikill, eða 134.169 kr.  

Jón Vikar Jónsson, þjónustustjóri hjá Heklu, segir gæðin í upprunalegum vörum töluvert betri og segir þær eiga að endast betur.

„Við viljum meina að oft á tíðum dugi þessar vörur skemur en í einhverjum tilfellum getur viss hlutur dugað jafn lengi og original varan. Ég held þetta sé í lagi í vissum tilfellum, sérstaklega ef bíllinn er eldri.“