Innlent

Hvetja eigendur til að skoða neyðarljós

daisalux.com
Í kjölfar bruna út frá neyðarljósi í húsakynnum Símans í Ármúla vill Mannvirkjastofnun ítreka við eigendur neyðarljósa að ganga úr skugga um að þau séu ekki af gerðinni Daisalux Argos.

Slík neyðarljós eru þekkt fyrir íkveikjuhættu og hafa tvisvar verið innkölluð; árið 2004 og svo aftur árið 2009. Ljósin voru seld hér á landi árunum 1999-2001 og bera framleiðslunúmer á bilinu 52.000-80.700.

Þó erfitt sé að ganga úr skugga um að Daisalux Argos ljós hafi átt í hlut í brunanum í morgun hafa þau margoft leitt til íkveikju, til að mynda í húsnæði við Laugaveg árið 2012 og í Borgarholtsskóla og leikskólanum Sólhlíð síðla árs 2004. 

Eigendur Daisalux lampanna geta sett sig í samband við söluaðlila þeirra hér á landi S. Guðjónsson. 


Tengdar fréttir

Mest lesið


Fleiri fréttir

Sjá meira


×

Mest lesið