22 mál komin á borð sáttasemjara á árinu

Þingiðn, félag iðnaðarmanna í Þingeyjarsýslum hefur ákveðið að afturkalla umboð félagsins frá Samiðn og vísa kjaradeilunni til ríkissáttasemjara. Þetta kemur fram í tilkynningu frá embættinu.

Á þeim 6 vikum sem liðnar eru af árinu hafa 22 mál komið inn á borð ríkissáttasemjara og þýðir það að um 4 mál hafa borist til embættisins í hverru viku það sem af er ári.

Í tilkynningunni kemur einnig fram að fyrir voru 10 óleystar útistandandi kjaradeilur frá liðnu ári og er fjöldi mála því orðinn 32 talsins.