Leit hafin að lekum bát

Leki kom að bát sem var á siglingu á Faxaflóa í dag. Landhelgisgæslunni barst tilkynning um málið á þriðja tímanum og hefur staðfest að allt tiltækt lið hafi verið kallað út.

Í samskiptum skipverja og gæslunnar kom fram að allir um borð væru komnir í flotgalla. Erfiðlega hefur gengið að ná aftur sambandi við bátinn.Ekki liggur fyrir hversu margir eru um borð. Enn fremur er staðsetning bátsins óljós.

Búið er kalla út kafara, björgunarskip og báta Slysavarnafélagsins Landsbjargar frá Borgarnesi. Þyrla LHG er einnig á leið til leitar að hinum sökkvandi bát.

Samhæfingarstöð í Skógarhlíð hefur verið virkjuð.