Innlent

Tundurdufl kom í vörpuna á Bergey

Höskuldur Kári Schram skrifar
Hér má sjá tundurduflið um borð í Bergey en hleðslan var 350 kíló.
Hér má sjá tundurduflið um borð í Bergey en hleðslan var 350 kíló. Mynd/Friðrik Elís Ásmundsson
Togarinn Bergey VE fékk tundurdufl í vörpu skipsins út fyrir Austfjörðum í morgun.

Þyrla Landhelgisæslunnar flaug með sprengjusérfræðinga og búnað um borð í varðskipið Þór sem flutti þá áfram um borð í Bergey en ekki var talin þörf á að flytja áhöfn Bergeyjar frá skipinu.

Sprengjusérfræðingar gerðu tundurduflið óvirkt um borð en um var að ræða þýskt tundurdufl frá seinni heimstyrjöldinni með 350 kg hleðslu.

Bergey er nú á siglingu að mynni Reyðarfjarðar þar sem tundurduflinu verður eytt og fylgir varðskipið Þór skipinu eftir.

Sprengjusérfræðingar voru fluttir með þyrlu í varðskipið Þór og voru þaðan fluttir yfir í Bergey.Mynd/Friðrik Elís Ásmundsson
Sprengjusérfræðingar aftengdu duflið um borð.Mynd/Friðrik Elís Ásmundsson

Mest lesið


Fleiri fréttir

Sjá meira


×

Mest lesið