Blikkljós í Svínahrauni vöktu athygli vegfarenda

Mikil blikkljósadýrð í Svínahrauni á Suðurlandsvegi í gærkvöldi, vakti ótta og forvitni margra vegfarenda, sem hringdu í lögreglu til að spyrjast fyrir.

Kom þá í ljós að ekkert var að óttast því þarna voru viðeigandi viðbragðsaðilar að æfa sig í að komast í gegnum vírarið, sem aðskilur akreinarnar. Æfingin fólst í því að legga riðið niður á kafla, þannig að hægt væri að athafna sig á báðum akbrautum ef slys bæri að höndum.

Öðrum kosti þurfa viðbragðsaðilar að aka langan veg til að komast fyrir endan á riðinu. Þarna voru á ferð lögreglu- sjúkraflutninga- slökkviliðs- björgunarsveita- og vegagerðarmenn, sem allir blikkuðu sínum ljósum, sem lýstu upp næturhimininn.