Íbúum Homs var bjargað í dag

Homs er þriðja stærsta borg Sýrlands og hefur um árabil verið miðja sýrlensks iðnaðar. Byltingin gegn stjórn Bashar al-Assad, Sýrlandsforseta, hófst í Homs fyrir tæpum þremur árum. Síðan þá hefur alþjóða samfélagið fylgst með hörmungunum í Sýrlandi þróast yfir allsherjar borgarastyrjöld.

Þeir sem hafa orðið hvað verst úti í þessum átökum eru sjálfir þegnar Sýrlands. Í Homs hafa rúmlega þrjú þúsund óbreyttir borgarar þurft að þola loftárásir og sprengjuregn, vatnsskort og niðurrif innviða, allt á síðustu nítján mánuðum.

Sameinuðu Þjóðirnar náðu samkomulagi við sýrlensk stjórnvöld í gær um að bjarga þessu fólki sem hefur verið innlyksa í Homs og í dag lögðu uppreisnarmenn og stjórnarhermenn niður vopn sín um stundarsakir svo að fólksflutningar gætu hafist.

Eins og sjá má í meðfylgjandi myndskeiði voru íbúar Homs uppgefnir eftir dvölina í borginni, margir hverjir voru fluttir rakleiðis undir læknishendur. Innviðir og samgöngu Homs eru í tætlum eftir átök síðustu missera og áttu björgunaraðilar í miklum vandræðum með koma nauðsynjum inn í borgina og fólkinu út.

Samkomulag Sameinuðu Þjóðanna og yfirvalda í Sýrlandi markar viss tímamót enda er það afrakstur fyrstu raunverulegu viðræðna stjórnar al-Assads og alþjóða samfélagsins.