Clint Eastwood bjargar mannslífi með Heimlich-takinu

Clint Eastwood, hinn 83 ára gamli leikstjóri, bjargaði lífi manns á veitingastað sem hafði fest ostbita í hálsinum. Eastwood var staddur í kvöldverðarboði í tilefni PGA mótaraðarinnar í golfi.

„Ég var að drekka vatn og borða smárétti. Ég henti upp í mig ostbita og það bara gerðist ekkert," segir Steve John, sem á Eastwood nú líf sitt að launa. „Ég horfði á hann og gat ekki andað. Hann áttaði sig strax á því sem var í gangi og bjargaði lífi mínu," bætir John við.

John vegur rúm 90 kíló segist ekki hafa trúað eigin augum þegar Eastwood lyfti honum þrisvar við það að framkvæma Heimlich-takið.

„Ég horfði í augu hans og sá þessa örvæntingu í svipnum á honum sem kemur yfir fólk þegar það sér líf sitt fjara út," sagði Eastwood. „Þetta leit ekki vel út," bætti hann við.

„Ég rykkti þrisvar í hann og bitinn losnaði. Síðan lét ég hann drekka stórt vatnsglas með safa úr kreistri sítrónu," sagði Clint Eastwood.

The Independent greinir frá þessum raunum Clint Eastwood.