Kjörseðill fyrir skjálfhenta

Flokksval Samfylkingarinnar í Reykjavík fyrir komandi borgarstjórnarkosningar fer fram í dag en líkt og undanfarin ár fara kosningarnar fram rafrænt í gegnum internetið. Flokkurinn notast nú í fyrsta skipti við nýtt kerfi sem nefnist Kjörnet sem hugbúnaðarfyrirtækið Integral Turing hefur þróað.

Janus Guðmundsson stjórnarformaður Integral Turing segir að þrátt framkvæmd rafrænna kosninga hjá Samfylkingunni hafi verið umdeild á síðustu árum vegna vankanta í talningaforriti hafi bragarbót verið gerð þar á.

„Í stað þess að haka við eða velja einstaklinga í framboði þá draga kjósendur sína valkosti í þar til gerð sæti. Kjósendur í flokksvalinu hafa lofað þessa aðferð en hún þykir þægileg þar sem hún endurspeglar raunverulegar hreyfingar eins og um pappír væri að ræða,“ segir Janus.

 

Einn af vanköntum rafrænna kosninga hefur hingað til þótt vera sá að aðgengi geti verið erfitt fyrir eldra fólk eða þá sem ekki hafa tileinkað sér notkun tölva eða spjaldtölva. Janus segir að starfsmenn Integral Turing komið upp sérstökum hnapp, sem merktur er með hjólastólamerki, sem skiptir kjörseðlinum út fyrir annan aðgengilegri sem hentar sér í lagi fyrir skjálfhenta.

Fleiri nýjungar hafa komið fram í útfærslu fyrirtækisins og má til dæmis fylgjast með kjörsókn í beinni útsendingu á netinu. HÉR má nálgast upplýsingar um kjörsókn.