Meistararnir verja ekki titla sína í Melbourne

Victoria Azarenka frá Hvíta Rússlandi hefur hrósað sigri í Melbourne tvö undanfarin ár.  Í morgun tapaði hún fyrir Agnieszka Radwanska frá Póllandi.  Sú pólska tapaði fyrsta settinu en vann tvö næstu og mætir Dominku Chibuulkovu frá Slóvakíu í undanúrslitum.

Rafael Nadal er í 1. sæti á styrkleikalistanum í tennis.  Hann lenti í vandræðum í morgun gegn Búlgaranum, Grigor Dimitrov sem er í 22. sæti.  Búlgarinn vann fyrsta settið en tapaði næstu tveimur 7-6 áður en Nadal vann fjórða settið 6-2.

Nadal mætir Roger Federer, sem fjórum sinnum hefur sigrað á þessu móti.  Federer vann tvö fyrstu settin gegn Skotanum Roger Federer.  Sá skoski vann þriðja settið en þá var mótspyrna hans búin og Federer tryggði sér sæti í undanúrslitum.  Nadal hefur aðeins einu sinni hrósað sigri í Melbourne, árið 2009.