Leitað að barnfóstru fyrir prins

William Bretaprins og Kate Middleton eru að leita að nýrri barnapíu fyrir son sinn George. Þarna er kjörið atvinnutækifæri fyrir barnelskt áhugafólk um konungsfjölskylduna.

Barnfóstran sem sá um George fyrstu mánuðina  var Jessie Webb. Hún var líka fóstra bræðranna William og Harry þegar þeir voru litlir.

Webb er orðin 71 árs gömul. Hún var komin á ellilífeyri, en kom samt til vinnu á fyrstu mánuðum George til að aðstoða nýbökuðu foreldrana.

Ekki þykir líklegt að hún treysti sér til að fara með fjölskyldunni til Ástralíu, en þangað ætla þau innan skamms, og þess vegna eru þau farin að leita fyrir sér eftir nýrri fóstru.