Hefur bjargað tugum villikatta

Ragnheiður Gunnarsdóttir hefur bjargað tugum villikatta á Akureyri. „Ég tek við köttum og ég veiði villikettina hér í bænum,“ sagði hún í samtali við fréttastofu.

Ragnheiður tekur kettina í hús og reynir að ala þá ef hægt er. Ef þeir eru nógu ungir þegar hún finnur þá tekst það yfirleitt.

Í haust fundu hún og önnur kona tvær læður og átta kettlinga út á Eyri. Þær náðu annarri læðunni en hún var blind og fimm kettlinganna sömuleiðis. Einum þeirra þurfti að lóga, sá var með stórt naflaslit en var of lítill fyrir aðgerð. Enn öðrum þurfti að lóga og svo fimm voru eftir.

Tveir þeirra eru komnir með heimili og þegar farnir og einn fer á næstu dögum. Ragnheiður ætlar sjálf að halda einum þeirra, Dagfinni, eftir sjálf.

Dagfinnur er blindur en að sögn Ragnheiðar er ekki eins erfitt að vera með blindan kött og hún hefði haldið. Kettirnir séu ótrúlega klókir. Hún passi þó upp á að skilja ekki eftir hluti á gólfinu sem þeir geti gengið á. En þeir hafi verið fljótir að læra að þekkja húsið.

Hún segist ekki finna svo mikið fyrir því að þeir séu blindir. Það sé erfiðara að vera með heyrnarlausan kött en Ragnheiður á einn þannig. Hún passar að þeir fari ekkert út, sérstaklega sá heyrnarlausi. En hún er með lítið útigerð við húsið sitt sem hún smíðaði og þar komast þeir út að vild.

Von Ragnheiðar er að geta rekið almennilegt heimili fyrir ketti eins og Kattholt í bænum en eins og er sé hún með kettina heima hjá sér.