Brotist var inn hjá nytjamarkaði Hjálpræðishersins við Hrísalund á Akureyri um helgina. Sjóðskassinn var eyðilagður og peningum sem voru í honum var stolið. Þetta kemur fram á vefsíðu Vikudags.

Hirslur á skrifstofunni voru eyðilagðar en þar voru geymdir fjármunir. Málið hefur verið kært til lögreglunnar og þeir sem hafa upplýsingar um málið eru beðnir um að snúa sér til hennar.