Samkynhneigðu pabbarnir „yfirþyrmandi krúttlegir"

Þessi mynd af tveimur þeldökkum karlmönnum, sem eru samkynja par, hefur farið sem eldur í sinu um internetið. Á myndinni má sjá annan þeirra smella af þegar þeir hjálpast að við að undirbúa dætur sínar fyrir skólann.

Undir myndinni stendur: „Að vera feður felur það í sér að koma dætrum okkar á fætur klukkan hálf sex, útbúa morgunverð, klæða þær fyrir skólann og koma þeim í strætisvagn fyrir hálf sjö. Þetta er dæmigerður dagur á heimili okkar. Þetta er ekki auðvelt en við njótum hverrar stundar og hverrar mínútu af #föðurdómi. #stoltirfeður #svartirfeður #stoltirpappar #samkynhneigðirpabbar."

Fleiri slíkar myndir má sjá á Instagram síðu þeirra Kordale og Kaleb. Myndaalbúm þeirra hefur vakið athygli vegna þess hversu hefðbundnu fjölskyldulífi þeir lifa, en marga hefur þótt vanta innsýn inn í heimilislíf samkynhneigðra foreldra.

Á vefsíðu PolicyMic, sem greinir frá fjölskyldunni, er myndunum lýst sem „fáránlega krúttlegum". Þá vekur pistlahöfundurinn einnig athygli á félagslegum vandamálum sem blasa við þeldökkum karlmönnum í Bandaríkjunum, en meirihluti þeldökkra barna elst upp án annars foreldris síns. Hlutfall hvítra barna í sömu aðstæðum eru þrjú börn af hverjum tíu.