Of heillandi fyrir kviðdóm

Leikarinn Brad Pitt, sem fagnaði 51 árs afmæli sínu í gær, var boðaður í kviðdóm í síðustu viku. Eftir að hafa mætt á staðinn og farið í hefðbundið viðtal tók við bið eftir að mæta í dómsal. Pitt hafði setið í dágóða stund þegar starfsmaður dómsins kom til hans og tilkynnti honum að viðveru hans væri ekki óskað lengur og hann mætti fara. Þegar leikarinn spurði út í ástæðuna fyrir brottvísuninni, var honum tjáð að nærvera hans hefði truflandi áhrif á aðra í kviðdómnum. Það er því greinilegt að leikarinn hefur ekki misst sjarmann með hækkandi aldri.