Landsbjörg fær rúmar 16 milljónir

Ölgerðin afhenti í gær 16.221.120 krónur til Slysavarnafélagsins Landsbjargar með söfnuðust með sölu á Malti.

Rúmlega sextán milljónir króna söfnuðust til Slysavarnafélagsins Landsbjargar í sérstöku átaki Ölgerðarinnar Egils Skallagrímssonar sem fólst í því að 10 krónur af hverri seldri flösku og dós af Malti rann beint til félagsins í tilefni af 100 ára afmæli fyrirtækisins. Svo segir í fréttatilkynningu frá Landsbjörgu en tilkynnt var um átæakið í sérstökum söfnunarþætti í sjónvarpi 31. maí 2013.

"Þar skýrði Andri Þór Guðmundsson, forstjóri Ölgerðarinnar, frá því að frá og með 17. apríl sl, sem er formlegur afmælisdagur fyrirtækisins, myndu 10 krónur af hverri seldri flösku og dós af Malti fara til að styrkja Slysavarnafélagið Landsbjörg."

Átakinu lauk nú um áramót og í dag afhentu Októ Einarsson, stjórnarformaður og Andri Þór Guðmundsson, forstjóri Ölgerðarinnar Egils Skallagrímssonar, Herði Má Harðarsyni, formanni Slysavarnafélagsins Landsbjargar afraksturinn, 16.221.120 krónur.

Í tilkynningunni kemur fram að þau hjá Landsbjörg séu ánægð með styrkinn. „Við þökkum að sjálfsögðu Ölgerðinni Agli Skallagrímssyni kærlega fyrir styrkinn og stuðninginn og þökkum landsmönnum einnig fyrir að hafa styrkt okkur með því að drekka Malt. Féð kemur að góðum notum við björgunar- og hjálparstörf,“ segir Hörður Már.